باش بەتكە قايتىڭ » ئىسلام دۇنياسى خەۋەرلىرى » گوللاندىيە، نورۋېگىيە ۋە شىۋېتسىيەدە «بارىن ۋەقەسى» نىڭ 28 يىللىقى خاتىرىلەندى
گوللاندىيە، نورۋېگىيە ۋە شىۋېتسىيەدە «بارىن ۋەقەسى» نىڭ 28 يىللىقى خاتىرىلەندى

گوللاندىيە، نورۋېگىيە ۋە شىۋېتسىيەدە «بارىن ۋەقەسى» نىڭ 28 يىللىقى خاتىرىلەندى

گوللاندىيەدىكى ئۇيغۇرلارنىڭ بەرگەن مەلۇماتىغا ئاساسلانغاندا، 5-ئاپرېل چۈشتىن بۇرۇن گوللاندىيەنىڭ دەنخاگ شەھىرىدىكى خىتاي كونسۇلخانىسىنىڭ ئالدىدا «بارىن ۋەقەسى» نىڭ 28 يىللىقىنى خاتىرىلەش يۈزىسىدىن نامايىش ئېلىپ بېرىلغان. نامايىشنى گوللاندىيەدە ئاكتىپ پائالىيەت قىلىۋاتقان «ياۋروپا شەرقىي تۈركىستان مائارىپ جەمئىيىتى» ئۇيۇشتۇرغان.

نامايىشقا قاتناشقان يەنە بىر ئۇيغۇر ياشنىڭ بىلدۈرۈشىچە، بۇ قېتىمقى نامايىشقا ئەر-ئايال ۋە بالىلار بولۇپ كۆپ ساندا كىشى قاتناشقان. ئۇلار خىتاي كونسۇلخانىسىنىڭ ئالدىدا ھەر خىل شوئارلارنى توۋلاپ، خىتاي ھاكىمىيىتىگە بولغان نارازىلىقلىرىنى ئىپادە قىلغان. 

نامايىش ئىشتىراكچىلىرىدىن بىرى بۇ قېتىمقى نامايىش ھەققىدە توختالغاندا: «بارىن شېھىتلىرىنىڭ قېنى ھەرگىز يەردە قالمايدۇ،» دېدى. دۇنيا ئۇيغۇر قۇرۇلتىيى مەدەنىيەت كومىتېتىنىڭ مۇدىرى، گوللاندىيەدىكى ئاكتىپ سىياسىي پائالىيەتچى زەينىدىن تۇرسۇن ئەپەندىمۇ زىيارىتىمىزنى قوبۇل قىلىپ، 5-ئاپرېل ئۆتكۈزۈلگەن بۇ نامايىشنىڭ ئەھمىيىتىنى تىلغا ئالدى.
5-ئاپرېل ۋە 6-ئاپرېل كۈنلىرى شىۋېتسىيە، نورۋېگىيە قاتارلىق ئەللەردىكى ئۇيغۇرلارمۇ «بارىن ۋەقەسى» نىڭ 28 يىللىقىنى ئوخشىمىغان ئۇسۇللاردا خاتىرىلىگەن.
نورۋېگىيە ئۇيغۇر كومىتېتىنىڭ رەئىسى بەختىيار ئەپەندىدىن ئىگىلىگەن ئۇچۇرلىرىمىزغا قارىغاندا، نورۋېگىيەدە بارىن شېھىتلىرىنىڭ روھىغا ئاتاپ قۇرئان تىلاۋەت قىلىنغان. شىۋېتسىيەدىكى ئۇيغۇر سىياسىي زاتلىرىدىن ئەخمەتجان ئەپەندىنىڭ بىلدۈرۈشىچە، شىۋېتسىيەدىكى ئۇيغۇرلار بۈگۈنكى جۈمە نامىزى خۇتبىسىدە بارىن شېھىتلىرى ھەققىدە مەخسۇس توختالغان.

5-ئاپرېل كۈنى «بارىن ۋەقەسى» نىڭ 28 يىللىقىنى خاتىرىلەش پائالىيەتلىرى گوللاندىيەدىن سىرت، يەنە گېرمانىيە، تۈركىيە قاتارلىق ئەللەردىمۇ ئېلىپ بېرىلغان.
گوللاندىيەدىكى نامايىش نەق مەيدانىدىن يېتىپ كەلگەن ئاۋازدا نامايىشقا 2 سائەت ۋاقىت قالغاندا نامايىشنىڭ ئەمەلدىن قالدۇرۇلغانلىقى تىلغا ئېلىنغان. بىراق زەينىدىن تۇرسۇن ئەپەندى بۇنىڭ توغرا ئەمەسلىكىنى، نامايىشنىڭ ھۆكۈمەت دائىرىلىرى تەرىپىدىن چەكلەنمىگەنلىكىنى ئىلگىرى سۈردى.

https://www.rfa.org/uyghur/xewerler/xelqara-xewer/barin-weqesini-xatirlesh-yawropa-04062018235454.html

Share Button

جاۋاپ يېزىڭ

ئېلخەت ئارېسىڭىز ئاشكارىلانمايدۇ. بەلگە قويۇلغانلارنى تولدۇرۇشىڭىز كېرەك *

*

تۆۋەندىكى HTML تەگلىرى ۋە خاسلىقلىرىنى ئىشلىتەلەيسىز: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>