باش بەتكە قايتىڭ » جىددىي ئۇقتۇرۇش » 1-ئۆكتەبىر كۈنى نامايىشقا چاقىرىق
1-ئۆكتەبىر كۈنى نامايىشقا چاقىرىق

1-ئۆكتەبىر كۈنى نامايىشقا چاقىرىق

‏ئەزىز ۋەتەنداشلار! 

خىتاي تاجاۋۇزچىلىرى ۋەتىنىمىز شەرقىي تۈركىستاننى ئىشغال قىلىپ ئۇيغۇرلارنى  ئۆز ۋەتىنىدىن ئايرىپ ۋەتەنسىز قويغان،  1- ئۆكتەبىر قايغۇلۇق كۈنى يېتىپ كېلىۋاتىدۇ، خىتاي تاجاۋۇزچىلىرى ھەر يىلى 1-ئۆكتەبىر كۈنىدە دۆلەت بايرىمى  قىلىپ ھارام غەلبىسىنى تەنتەنە قىلىشىدۇ، ئەمما خىتاي كوممۇنىست مۇستەبىتلىرىنىڭ مۇستەملىكىسى ئاستىدىكى شەرقى تۈركىستانلىق ئۇيغۇرلار بۇ كۈننى  ماتەم كۈنى بېكىتىپ ھەريىلى بۇ كۈندە دۇنيانىڭ ھەرقايسى جايلىرىدا ياشاۋاتقان ئۇيغۇرلار ئۆزلىرىنى شارائىتىگە ماس ھالەتتە خىتايغا قارشى نارازلىقلىرىنى ئىپادىلەيدۇ.

مۇستەبىت خىتاي كوممۇنىست ئالۋاستىلىرى ھەر يىلى1- ئۆكتەبىر كۈنى يىتىپ كەلسە داغدۇغىلىق دۆلەت بايرىمى ئۆتكۈزۈش ئارقىلىق ئۆزلىرىنىڭ ھارام غەلىبىسىنى تەلۋىلەرچە تەنتەنە قىلىشىدۇ، ئۇنىڭدىن باشقا يەنە 1- ئۆكتەبىرنىڭ ئالدى كەينىدە خىتاي  ئىشغالىيتى ئاستىدا ئىنسانىي ھەق ھوقۇقلىرىدىن تامامەن مەھرۇم ھالەتتە ياشاۋاتقان شەرقى تۈركىستان خەلقىگىمۇ ئاتالمىش 1- ئۆكتەبىر بايرىمىنى مەجبۇرى تېڭىپ ئۆزلىرىنىڭ شەرقى تۈركىستاننى بېسىۋېلىشقانلىقلىرىنى خىجىل بولماستىن «ئازاد قىلدۇق» دەپ داۋراڭ سېلىپ، دۆلەت دەرىجىلىك ئالدامچىلىق تەشۋىقاتى ئېلىپ بارىدۇ.

شەرقى تۈركىستانلىقلار بولسا خىتاينىڭ ئۇشبۇ ئالدامچىلىقنى شەرقى تۈركىستاننىڭ ئىچى ۋە سىرتىدا ئىزچىل ھالدا ھەريلى ھەرخىل يوللار ئارقىلىق پاش قىلىدۇ.

ئۇيۇشمىمىز بۇ، يىلمۇ ئىلگىرىكىگە ئوخشاشلا 1- ئۆكتەبىر كۈندە خىتاينىڭ ئالدامچىلىقنى پاش قىلىش، ۋە شەرقى تۈركىستاننىڭ ئەزەلدىن خىتاي زېمىنىنىڭ بىر پارچىسى ئەمەسلىكىنى دۇنياغا جاكارلاش ئۈچۈن خىتاي كوممۇنىست مۇستەملىكچىلىرىنىڭ شىۋېتسىيەدە تۇرۇشلۇق ئەلچىخانىسى ئالدىدا نارازىلىق نامايىشى قىلىش ئۈچۈن ئالاقىدار ئورۇنلاردىن روخسەتنامە ئالدى.

شىۋېتسىيەدە ياشاۋاتقان بارلىق شەرقى تۈركىستانلىقلارنىڭ ئۇشبۇ نامايىشىنى پائال قوللاپ قاتنىشىشىنى تەلەپ قىلىمىز!

ۋاقتى: 2017- يىلى 01- ئۆكتەبىر يەكشەنبە كۈنى، چۈشتىن كېيىن شىۋېتسىيە ۋاقتى سائەت 13:30 باشلىنىدۇ.

ئورنى: ستوكھولمدا تۇرۇشلۇق خىتاي ئەلچىخانىسى ئالدىدا.

ئادېرسى: Lidovagen 8, 115 25 Stockholm

ھۆرمەت بىلەن ئۇيغۇر مائارىپ ئۇيۇشمىسى

Share

جاۋاپ يېزىڭ

ئېلخەت ئارېسىڭىز ئاشكارىلانمايدۇ. بەلگە قويۇلغانلارنى تولدۇرۇشىڭىز كېرەك *

*

تۆۋەندىكى HTML تەگلىرى ۋە خاسلىقلىرىنى ئىشلىتەلەيسىز: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>